Aktorja Jessica Biel i ka vendosur një ultimatum bashkëshortit të saj, këngëtarit Justin Timberlake, duke e paralajmëruar se do ta lërë nëse ai nuk ndryshon sjelljen.
Sipas një raporti të publikuar nga Daily Mail, Biel “e ka mbushur kupën” me veprimet e fundit të Timberlake, përfshirë arrestimin e tij në vitin 2024 për drejtim mjeti në gjendje të dehur, si dhe paraqitjen e tij në një turne golfi në Las Vegas.
Dy dëshmitarë okularë i thanë Page Six se këngëtari i hitit “SexyBack” dukej i dehur në fund të ditës gjatë eventit të golfit më 18 prill.
Burime pranë çiftit pretendojnë se nëse Timberlake gabon sërish, Biel është gati “të marrë vendimin përfundimtar”, duke shtuar se “nuk mundet të durojë më”.
I njëjti burim thekson se artisti është shpesh larg shtëpisë, edhe pse përfundoi turneun botëror verën e kaluar, ndërsa Biel po mban mbi supe shumicën e përgjegjësive për rritjen e dy djemve të tyre, Silas dhe Phineas.
Megjithatë, një tjetër burim për Page Six ka deklaruar se, pavarësisht vështirësive, çifti po përpiqet të zgjidhë problemet. “Ka qenë një periudhë e vështirë, me shumë vëmendje publike dhe angazhime, por nuk është një situatë në prag ndarjeje,” është shprehur burimi.
Timberlake u arrestua në qershor 2024 në Sag Harbor, Nju Jork, për drejtim mjeti nën ndikimin e alkoolit dhe më pas pranoi fajësinë për një shkelje më të lehtë, duke kërkuar falje publikisht si pjesë e marrëveshjes ligjore.
