Kreu i Prokurorisë së Posaçme Antikorrupsion, Klodian Braho ka prezantuar raportin vjetor para Këshillit të Lartë të Prokurorisë. Në fjalën e tij, ndër të tjera ai u ndal edhe te pasuritë e sekuestruara dhe konfiskuara.
Braho deklaroi se kanë vënë në praktikë parimin “ndiq paranë”, ndërsa theksoi se vlera e pasurive të sekuestruara për 2025 është rreth 45.4 mln euro, përfshirë këtu edhe kriptovalutat. Po ashtu kreu i SPAK deklaroi se sa i takon çështjeve që lidhen me zyrtarët e lartë vlera e pasurive të sekuestruara është 1.1 mln euro.
“Kemi zbatuar parimin e ndjekjes së parave paralelisht me hetimin penal. Vlera të sekuestruar dhe të konfiskuara arrijnë shifrën 45.4 mln euro, ku përfshihet edhe sekuestrimi i kriptovalutave me vlerë ekuivalente prej 14.5 mln dollarë ose 12.4 mln euro.
Sa i takon çështjeve që lidhen me zyrtarët e lartë vlera e pasurive të sekuestruara është 1.1 mln euro, ndërsa konfiskimi për këtë vit ka qenë në shumën 100 mijë euro”, tha Braho.
