Ikja e Henry nga Juve: “Moggi më futi në një dhomë. I thashë: në Udine ço Del Pieron”

Historia mes Thierry Henry dhe Juventus ka zgjatur shumë pak, vetëm disa muaj. Por ka mbetur një nga pendesat më të mëdha të merkatos bardhezi. I ardhur nga Monaco në janar 1999, francezi nuk arriti kurrë të ndihej vërtet në qendër të projektit. Fillimisht largimi i teknikut Marcello Lippi, më pas ardhja e të riut asokohe Carlo Ancelotti, në fund keqkuptimi taktik: Henry u përdor shpesh në krah, larg portës, në një rol që nuk i lejonte të shprehte talentin që më pas do të tregonte te Arsenal. Pika e thyerjes, megjithatë, nuk ishte vetëm teknike. Ai që e tregoi ishte qenë vetë Henry, duke kujtuar një episod me drejtorin e përgjithshëm Luciano Moggi, që ndryshoi përfundimisht marrëdhënien e tij me Juventus. Gjithçka ndodhi në fund të një ndeshjeje, kur francezi sapo kishte dalë nga fusha dhe nuk kishte pasur as kohë të arrinte në dhomat e zhveshjes. Aty Moggi e mori me vete dhe e çoi në një dhomëz për të folur privatisht. Brenda, sipas rrëfimit të ish-sulmuesit, ishte edhe Ancelotti.

Prishja e marrëdhënies dhe prapaskena

Në atë dhomë, larg fushës dhe shokëve të skuadrës, Henry mori vesh idenë e Juventus: ta dërgonin në huazim te Udinese për të provuar të mbyllnin operacionin Marcio Amoroso, atëherë sulmues i friulanëve dhe që vinte nga një sezon i nivelit shumë të lartë në Serie A. Një hap që francezi e përjetoi si një thyerje besimi, më shumë sesa si një hipotezë e thjeshtë merkatoje. Henry, duke folur në podcastin “Stick to Football”, i ka rindërtuar kështu ato muaj të vështirë në Torino: “Ishte duke u luajtur me skemën 3-5-2 dhe unë isha në krah… kalova nga numri 9 në anësor, nuk mund të bëja atë që bëja më parë. Kam luajtur pjesën më të madhe të ndeshjeve si anësor. Aty e kuptova sa e vështirë është të jesh një lojtar i vërtetë profesionist dhe çfarë do të thotë të luash për skuadrën”. Juventus donte të merrte brazilianin Marcio Amoroso. Për të mbyllur marrëveshjen, sipas rrëfimit të Henry, Udinese kërkonte huazimin e tij. Moggi ia komunikoi në mënyrë direkte: “Ata donin Amoroson, por e shisnin vetëm nëse shkoja unë atje në huazim”.

Lexo më tej: Thierry Henry dërrmon Inter: “Bodo është mësim për të gjithë, një episod më goditi”

Pastaj fjalia që francezi nuk e harroi më: “Po të dërgojmë te Udinese, por besojmë tek ti”. Francezi e përjetoi si një kontradiktë. Nëse Juventus besonte vërtet tek ai, pse ta fuste në një operacion merkatoje pas vetëm gjashtë muajsh? Përgjigjja e tij ishte e menjëhershme dhe e prerë: “Besim i madh… besoni te Del Piero? Atëherë dërgoni atë”.

"Io all'Udinese? Mandateci Del Piero": l'aneddoto di Henry su Moggi. A 26 anni di distanza, Thierry Henry torna a parlare della sua esperienza con la maglia della Juve. Il francese ha raccontato un aneddoto che coinvolse Luciano Moggi, Alex Del Piero e Carlo Ancelotti. pic.twitter.com/WjJpYCR6jv

— MarcoCentoni (@MarcoCento38849) April 23, 2026

Largimi dhe pendesa Henry më pas shpjegoi kështu atë reagim: “Isha budalla në atë kohë, por ky ishte këndvështrimi im”. Por që nga ai moment marrëdhënia me Juventus ishte komprometuar. Jo për tifozët dhe as për prestigjin e klubit, që ish-sulmuesi e ka njohur gjithmonë. Problemi ishte trajtimi i marrë. Francezi i lindur në ’77 ka treguar vendimin e marrë pas atij takimi: “Thashë që nuk do të luaja më kurrë me atë fanellë, jo për tifozët, është një klub i jashtëzakonshëm, një klub i madh, por ajo ishte mungesë respekti, kështu që u largova”. Pak më vonë erdhi transferimi te Arsenal i Arsene Wenger. Në Londër, Thierry Henry u rikthye në qendër të sulmit dhe u bë një nga lojtarët më të fortë të brezit të tij: simbol i “Gunners”, kampion i Anglisë dhe protagonist i një karriere monumentale. Për Juventus, përkundrazi, ajo periudhë mbetet edhe sot një pendesë e madhe: talenti ishte tashmë aty, por në Torino askush nuk arriti ta kuptonte vërtet.