Momente shqetësimi në Barcelonë, por në përgjithësi edhe për Spanjën, duke qenë se Botërori është gjithnjë e më pranë. Sepse Lamine Yamal, pasi shndërroi një penallti në ndeshjen kundër Celta Vigo, ndjeu një tërheqje në pjesën e pasme të kofshës dhe u detyrua të dorëzohej, pasi u shtri në fushën e “Camp Nou”.
Gol dhe dëmtim për Yamal
Këtë vit kishte ndodhur e njëjta gjë edhe me Kevin De Bruyne, mesfushorin belg të Napolit, i cili duke goditur një penallti dhe duke shënuar kundër Interit, u dëmtua në kofshë. Për KDB problemi kishte qenë shumë serioz, me katër muaj ndalesë që e mbajtën jashtë për gjysmën e sezonit. Për Yamal, natyrisht, shpresohet të mos jetë kaq i rëndë problemi fizik, por është e qartë që Barcelona dhe sidomos kombëtarja spanjolle po kalojnë orë me tension të madh.
Yamal shënon dhe dëmtohet në Barcelona-Celta
Yamal e kishte fituar vetë penalltinë dhe ishte paraqitur edhe nga pika e bardhë, duke parë edhe mungesën e Raphinha-s. Goditja ishte perfekte. Portieri i Celta-s e kupton drejtimin, por nuk arrin ta ndalë. Duke goditur, spanjolli ndjeu një tërheqje në pjesën e pasme të kofshës dhe pasi pa topin të përfundonte në rrjetë, u bëri menjëherë shenjë shokëve të mos festonin. Asnjë buzëqeshje, dhimbje shumë e fortë. Yamal vendos të ndalet dhe të shtrihet në fushë. Flick dërgon në fushë mjekët dhe fizioterapistët. Pas disa minutash, zëvendësimi vjen automatikisht.
Clasico pas pak javësh dhe në sfond Botërori
Dëmtimi i Yamal krijon padyshim tension dhe frikë sportive, sidomos për Spanjën. Është e qartë që para së gjithash mendon Barcelona, e cila është në krye të La Liga-s me një avantazh të mirë ndaj Real Madrid-it, edhe pse pas disa javësh është Clasico. Por Botërori do të nisë pas një muaji e gjysmë dhe Spanja, me Yamal, është një nga favoritët; ta ketë në fushë dhe në formën më të mirë do të bënte diferencën.
https://www.reddit.com/r/BarcaFC/comments/1sszndn/barca_10_celta_vigo/?utm_source=share&utm_medium=web3x&utm_name=web3xcss&utm_term=1&utm_content=share_button
