Zayn Malik ka anuluar paraqitjen e tij të planifikuar në emisionin e Jimmy Fallon, pas një shtrimi të papritur në spital dhe këshillave të mjekëve.
Sipas burimeve për revistën People, ish-anëtari i One Direction nuk do të jetë në gjendje të marrë pjesë në emision për shkak të rekomandimeve mjekësore, ndërsa “po vazhdon të përballet me problemet e tij shëndetësore”.
33-vjeçari ishte planifikuar të promovonte albumin e tij të pestë, “Konnakol”, por përfundoi në spital të premten e kaluar.
Në një postim në Instagram, ai ndau një foto nga shtrati i spitalit, duke falënderuar fansat për mbështetjen.
“Ka qenë një javë e gjatë dhe ende po rikuperohem papritur,” shkroi ai, duke shtuar se ndihet i zhgënjyer që nuk mund të takojë fansat.
Malik gjithashtu falënderoi stafin mjekësor, përfshirë infermierët dhe kardiologët që u kujdesën për të, duke i quajtur “legjendë”.
Ende nuk dihen detaje mbi gjendjen e tij shëndetësore, pasi këngëtari nuk ka dhënë informacione të mëtejshme.
Përveç paraqitjes në emision, ai kishte planifikuar edhe një event në Nju Jork, ndërsa pritet të nisë turneun e tij në maj në Manchester dhe ta përfundojë në nëntor në Miami.
Kujtojmë se gjatë turneut të tij të fundit, Malik u përball edhe me humbjen tragjike të ish-shokut të grupit, Liam Payne, të cilit i bëri homazhe në skenë.
