Një raund i dytë bisedimesh në nivel ambasadorësh midis Izraelit dhe Libanit do të zhvillohet këtë të enjte, sipas një zyrtari të Departamentit të Shtetit të SHBA-së. Izraeli ka qenë në luftë me grupin Hezbollah të mbështetur nga Irani në Libanin jugor. Aktualisht ekziston një armëpushim 10-ditor pas gjashtë javësh konflikti.
“Shtetet e Bashkuara mirëpresin angazhimin produktiv që filloi më 14 prill. Ne do të vazhdojmë të lehtësojmë diskutimet e drejtpërdrejta dhe me mirëbesim midis dy qeverive.", tha një zyrtar për BBC-në.
Javën e kaluar, Izraeli dhe Libani zhvilluan bisedimet e tyre të para diplomatike që nga viti 1993. Sekretari i Shtetit i SHBA-së, Marco Rubio, i cili ndërmjetësoi, tha se ishte një "mundësi historike" për t'i dhënë fund ndikimit të Hezbollahut.
Përpara këtyre bisedimeve të para, Izraeli tha se donte të çarmatoste të gjitha grupet terroriste jo-shtetërore - një referencë për Hezbollahun. Libani bëri thirrje për një armëpushim dhe masa për të adresuar krizën humanitare. Të dy vendet nuk kanë marrëdhënie diplomatike.
