Meghan Trainor ka anuluar papritur turneun e saj për vitin 2026 “Get in Girl”, vetëm dy muaj para nisjes, duke përmendur arsye familjare.
Artistja 32-vjeçare e bëri njoftimin përmes Instagram, duke shpjeguar se balancimi i një albumi të ri, përgatitjet për turne dhe ardhja në jetë e vajzës së saj të sapolindur ishte bërë i papërballueshëm.
“Pas shumë reflektimesh dhe bisedash të vështira, kam marrë vendimin e vështirë për të anuluar turneun ‘Get in Girl’. Kjo është më shumë seç mund të përballoj tani,” u shpreh ajo.
Meghan Trainor kërkoi ndjesë ndaj fansave për zhgënjimin, por theksoi se ky është vendimi i duhur për familjen e saj. Ajo premtoi gjithashtu se do të rikthehet së shpejti dhe mezi pret të publikojë albumin e ri.
Turneu ishte planifikuar të niste më 12 qershor në Michigan dhe të përfundonte më 15 gusht në Los Angeles.
Ky vendim vjen vetëm pak muaj pasi këngëtarja dhe bashkëshorti i saj Daryl Sabara mirëpritën në mënyrë sekrete fëmijën e tyre të tretë përmes një surrogateje. Çifti tashmë ka edhe dy djem.
Trainor ka folur më parë në mbështetje të këtij vendimi, duke theksuar se surrogacia është “një mënyrë e bukur për të krijuar një familje”.
