Lapsi Video

Aplikacioni

Android iOS
Flash

Sneijder e fajëson: “Camavinga budalla, ata të Real duhet tia nxirrnin atij inatin”

Lapsi.al 16 April 2026
Sneijder e fajëson: “Camavinga budalla, ata të Real duhet tia
Wesley Sneijder nuk ka asnjë dyshim pas Bayern-Real Madrid. Sipas tij fajet janë të gjitha të Eduardo Camavinga, shumë naiv në episodin që i kushtoi kartonin e dytë të verdhë dhe përjashtimin. Asnjë polemikë ndaj arbitrit Vincic: për holandezin që ka veshur në të kaluarën fanellën e “merengues” dhe më pas fitoi tripletën me Interin, kush e shkakton të keqen e vet le ta qajë vetë. Ndërsa në Spanjë klima është e ndezur me kritika të forta ndaj arbitrimit, Sneijder është kategorik në kah të kundërt. Për të, arbitri thjesht ka zbatuar rregullin duke ndëshkuar me karton Camavinga që pas një faulli të lehtë largoi topin. Aspak masë e tepruar pra për ish-futbollistin që nuk përdori fjalë diplomatike: “Camavinga ishte budalla”. I habitur Sneijder jo vetëm nga sjellja e Camavinga, por edhe nga ajo e shokëve të tij. Sipas tij, lojtarët e Realit në vend që të ankoheshin ndaj arbitrit, duhet t'i kërkonin llogari shokun e tyre për naivitetin që ua komplikoi planet: “E dini çfarë duhet të bënin lojtarët e Real Madrid pas vërshëllimës finale? Duhej të vraponin në dhomat e zhveshjes dhe të shkarkonin zemërimin ndaj Camavinga!” Koncept i përsëritur edhe për Ziggo Sport: “Fakti që janë të zemëruar me arbitrin nuk e kuptoj. Nëse bën një gjë të tillë, duke pasur tashmë një karton të verdhë… Në këtë pikë duhet të vraponi të gjithë në dhomat e zhveshjes dhe të merreni me të. Jo me arbitrin. Çfarë duhej të bënte? Ai e sinjalizoi që ishte hera e dytë. Në këto nivele është diçka vërtet shumë budallaqe”.

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

17°c

KËMBIMI EURO

91.92

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI