Ish-drejtoresha e Agjencisë Kombëtare e Shoqërisë së Informacionit (AKSHI), Mirlinda Karçanaj, i është drejtuar Gjykatës së Lartë me një rekus lidhur me masën e sigurisë.
Mësohet se Karçanaj kërkon heqjen e masës së sigurisë ndaj saj.
Shorti ka caktuar si gjyqtar të shqyrtimit të kërkesës gjyqtarin Genti Shala.
Karçanaj është nën akuzë për abuzime me tenderët e agjencisë që drejtonte dhe në arrest shtëpie me vendim të GJKKO-së.
Sipas SPAK, ish-drejtoresha e AKSHI-t, Mirlinda Karçanaj ka kryer veprën penale “shkelje e barazisë së pjesëmarrësve në tendera dhe ankande publike” në kuadër të grupit të strukturuar kriminal.
