Modelja dhe sipërmarrësja Hailey Bieber ka folur hapur për marrëdhënien e saj me paparacët, duke mohuar thashethemet se ajo i thërret vetë për t’u fotografuar.
Në një intervistë për Interview Magazine, ajo theksoi se ideja që ajo kontakton paparacët është “e neveritshme”.
“Njerëzit mendojnë se unë i thërras çdo ditë, por jo, kjo nuk është e vërtetë,” u shpreh ajo, duke shtuar se fenomeni i paparacëve ka një “energji të errët” dhe nuk është diçka që dikush e kërkon.
Hailey Bieber foli edhe për ndikimin që vëmendja publike ka në stilin e saj. Ajo pranoi se tashmë është shumë më e kujdesshme me veshjen, pasi çdo dalje në publik mund të fotografohet.
“Kam veshur rroba që në realitet dukeshin shumë mirë, por në foto duken keq, ndaj jam bërë shumë më e kujdesshme,” tha ajo.
Megjithatë, modelja shtoi se kohët e fundit po përpiqet të thjeshtojë stilin e saj, duke preferuar kombinime më të thjeshta si bluzë dhe xhinse.
Në intervistë, ajo foli edhe për jetën si nënë, duke përmendur djalin e saj Jack Blues, të cilin e ka me këngëtarin Justin Bieber. Ajo pranoi se shqetësohet çdo ditë për botën në të cilën po rritet djali i saj.
“Bota duket shumë e frikshme dhe e pasigurt për të ardhmen, por përpiqem të kem besim,” tha ajo, duke theksuar se dëshiron që ai të rritet në një ambient të mbushur me dashuri.
Në fund, Hailey Bieber zbuloi se dëshiron të zgjerojë familjen në të ardhmen, duke shtuar se gjithmonë ka ëndërruar të jetë e martuar dhe të ketë fëmijë.
