Një pallat është përfshirë nga flakët pasditen e së martës në Tiranë, te Farmacia nr.10, përballë spitalit “Nënë Tereza” në kryeqytet, në kompleksin 'Arlis'.
Lapsi.al ka siguruar pamje nga vendngjarja, ku duket se flakët kanë përfshirë thuajse gjithë godinën.
Në zonë është shkaktuar një kaos i vërtetë, me qytetarë që vrapojnë për t'u larguar sa më parë nga flakët. Policia, forcat Zjarrëfikëse, reparti RENEA dhe një helikopter kanë mbërritur në vendngjarje dhe po punojnë për të bërë të mundur shuarjen e flakëve dhe zbardhjen e shkaqeve të zjarrit. Helikopteri ka mbërritur atje nga baza ushtarake e Farkës, ndërkohë që me dhjetëra banorë janë evakuar.
[video width="720" height="1280" mp4="https://cdnimpuls.com/lapsi.al/wp-content/uploads/2026/04/vcompress_212.mp4"][/video]
Ende nuk dihen shkaqet e rënies së zjarrit, por ajo që bëhet e ditur se 2 banorë dhe 2 pjesëtarë të forcave zjarrëfikëse janë asfiksuar.
[video width="756" height="426" mp4="https://cdnimpuls.com/lapsi.al/wp-content/uploads/2026/04/vcompress_211.mp4"][/video]
Burime për Lapsi.al bëjnë të ditur se repartet e Urgjencës dhe Djegies Plastike janë vënë në gatishmëri, për çdo situatë që mund të krijohet. 2 qytetare dhe 2 zjarrfikes jane paraqitur ne urgjencen e QSUT nga zjarri me shenja te asfiksise. ©LAPSI.AL
