Mundi Shqipërinë në playoff: ndërron jetë zv/trajneri i Polonisë 49 vjeçari Magiera

Federata polake ka njoftuar ndarjen nga jeta të Jacek Magiera, zv/trajnerit të Polonisë që vdiq sot në moshën 49-vjeçare. Që nga viti 2025 ai mbante rolin e ndihmësit të trajnerit Jan Urban, i cili sot vajton humbjen e tij, të bërë publike nga kombëtarja me një komunikatë të trishtë. Sipas Radio Wroclaw, trajneri kishte dalë për të vrapuar këtë mëngjes, por ishte ndjerë keq gjatë stërvitjes dhe ishte transportuar në Spitalin Klinik Ushtarak të Wroclaw. Fatkeqësisht, as ndërhyrja e shpejtë mjekësore nuk arriti t’i shpëtonte jetën. Federata polake ka kërkuar privatësi për familjen e tij në këtë moment dhimbjeje të madhe.

Polski Związek Piłki Nożnej z głębokim smutkiem i ogromnym żalem przyjął informację o śmierci Jacka Magiery, drugiego trenera reprezentacji Polski. Rodzinie, Przyjaciołom oraz Bliskim Jacka Magiery PZPN składa wyrazy najszczerszego współczucia. Prosimy jednocześnie o uszanowanie… pic.twitter.com/KujKC6eUdd

— Łączy nas piłka (@LaczyNasPilka) April 10, 2026

Ka ndërruar jetë në moshën 49-vjeçare zv/trajneri i Polonisë

Vetëm dhjetë ditë më parë ai po luante shanset për të çuar kombëtaren e tij në Botëror në finalen e play-off-it, e fituar më pas nga Suedia me një gol në minutën e 88-të. Kjo ishte paraqitja e fundit e zv/teknikut Magiera në fushë, i cili po përgatitej së bashku me trajnerin për të përballuar miqësoret e ardhshme dhe Nations League. Fatkeqësisht ai vdiq sot në moshën 49-vjeçare: sipas burimeve polake, zv/trajneri ishte ndjerë keq gjatë një stërvitjeje dhe u dërgua menjëherë në spital, ku nuk pati asgjë për t’u bërë. Ai ishte bërë pjesë e stafit të Polonisë në korrik të vitit 2025 si zv/trajner i Jan Urban pas një karriere të kaluar në klube dhe kombëtare të moshave: me U-20 në vitin 2019 mori pjesë në Botërorin e zhvilluar në shtëpi, ku u eliminua nga Italia, më pas drejtoi disa klube të vendit të tij përpara se të punësohej nga federata. Të premten në mëngjes kishte dalë për të vrapuar, por fatkeqësisht një gjendje e papritur e la pa fjalë familjen dhe të gjithë lojtarët që kishin ndarë me të rrugëtimin në kombëtare