Jonah Hill ka zbuluar se është martuar me partneren e tij prej kohësh, Olivia Millar, dhe se çifti ka mirëpritur në jetë fëmijën e tyre të dytë.
Aktori i filmit Superbad bëri këtë zbulim gjatë një bisede me regjisorin legjendar Martin Scorsese. Gjatë intervistës, Jonah Hill u shpreh:
“Tani kam dy fëmijë. E vetmja gjë që mund të më ndajë nga familja është dhoma e montazhit.” Ai gjithashtu iu referua partneres së tij si “bashkëshortja ime”, duke konfirmuar kështu martesën.
Çifti u lidh për herë të parë publikisht në vitin 2022 dhe në vitin 2023 mirëpritën fëmijën e tyre të parë, megjithëse detajet për jetën private i kanë mbajtur larg syrit të publikut.
Olivia Millar, bashkëthemeluese e një marke veshjesh, është parë shpesh me një unazë në gisht, duke nxitur më herët spekulime për martesë. Ky lajm shënon një fazë të re në jetën personale të Jonah Hill, i cili më parë ka qenë i fejuar me Gianna Santos.
