Anëtari i Këshillit Kombëtar në Partinë Demokratike, Ilir Alimehmeti duket se ka lënë të hapur mundësinë për të kandiduar për Bashkinë e Tiranës.
Duke folur në Top News, ai nuk e përjashtoi këtë mundësi, duke theksuar se procesi varet nga mënyra se si do të organizohen garat brenda Partisë Demokratike.
Alimehmeti bëri të ditur se aktualisht po shqyrtohet statuti i partisë, çka do të përcaktojë nëse do të aplikohet sistemi i primareve apo një formë tjetër përzgjedhjeje të kandidatëve.
“Unë kam qenë gjithmonë i qartë në synimet e mia, në objektivat e mia. Gara ku jam futur unë nuk ka qenë kurrë garë partiake, por elektorale. Unë jam futur në garë kundër kundërshtarit politik, pra Partisë Socialiste. Brenda garave të brendshme nuk kam hyrë ndonjëherë.
Ndërkohë pak ditë më parë Berisha u tërhoq për kandidaturën e Florian Binajt duke u shprehur se do të vendosë opozita për kandidaturën e saj, jo kandidat i pavarur.
