Një përfaqësi e fermerëve është takuar sot me Ministrin e Bujqësisë, Andis Salla dhe Ministrin e financave Petrit Malaj pas protestës për skemën e re të bujqësisë.
Pas takimit që zgjati dy orë, fermerët folën për mediat rreth diskutimeve që patën me dy ministrat.
Ata ranë dakord me ministrin që skema e kërkuar prej tyre për subvencionin e naftës do të kryhet me afat deri në shtator, por kjo ka hasur në kundërshtinë e fermerëve të tjerë duke thënë se nuk mund të presin deri në shtator.
Ata thanë se financimi duhet të nisë tani, pasi po falimentojnë duke shprehur hapur revoltën e tyre duke shkaktuar edhe debate mes fermerëve që ishin në takim dhe te tjerëve që protestuan sot.
“Përse lufta nuk është për janë rajonin. Nuk mban më. Le të zbresin poshtë, të vijnë këtu…Nuk pranojmë…”, u shpreh një prej fermerëve për mediat.
Fermerët, të cilët protestuan sot para Ministrisë së Bujqësisë, e konsiderojnë tallje skemën e re kombëtare për bujqësinë dhe blegtorinë.
"Skema tani është mashtrim, është për të na hedhur hi syve. Unë 250 mijë lekë në ditë të dalë zetori në punë për të punuar 8 orë. Nëse shteti nuk merr përgjegjësi ne do të organizohemi nga Shkodra deri në Vlorë, u bëj thirrje dhe qytetarëve, a u leverdis atyre të blejnë qumështin e Serbisë?”- u shpreh një prej fermerëve.
