Ekipet e shpëtimit të Fixhit po punojnë për të parandaluar derdhjen e naftës pasi një anije turistike u mbyt pranë ishullit në të cilin u xhirua filmi “Cast Away” i vitit 2000 me Tom Hanks.
Anija “Fiji Princess” e kompanisë “Blue Lagoon Cruises” u mbyt pas përplasjes me një shkëmb nënujor pranë ishullit të pabanuar Monuriki të shtunën. Të 30 pasagjerët dhe 17 nga 31 anëtarët e ekuipazhit u nxorën nga anija po atë ditë. Nuk ka pasur raportime për të lënduar.
Autoriteti i Sigurisë Detare të Fixhit tha se oficerët e tij kishin mbërritur për të vlerësuar anijen e goditur. “Kontrollet fillestare konfirmuan se anija ka pësuar dëme serioze në anën e pasme. Një pjesë e anijes poshtë saj është dëmtuar gjithashtu”, - tha një zëdhënës.
"Anija pësoi defekt në motor dhe u raportua se po merrte ujë pas mbytjes. Për shkak të detit të trazuar dhe valëve të forta, oficerët nuk ishin në gjendje ta inspektonin në mënyrë të sigurt anijen në atë moment" – tha ai.
Anija mbante rreth 20,000 litra naftë. Zëdhënësi tha se autoritetet kishin çuar pajisje për parandalimin e derdhjen së naftës.
Pasagjerët dhe ekuipazhi i evakuuar u kthyen në Portin Denarau. Ekuipazhi i mbetur po ndihmonte përpjekjet e shpëtimit dhe po ankoroheshin në anijen simotër të Fiji Princess, Cougar, për arsye sigurie. ©LAPSI.al
