Jessica Simpson duket se ka nisur një lidhje të re dashurie. Sipas burimeve, ajo është në një romancë me muzikantin Thomas Eisenhood, i cili jeton në Nashville dhe ka qenë pjesë e grupit Stoop Kids.
“Është e lumtur. Ndodhet në një fazë shumë të mirë të jetës dhe është e emocionuar për të ardhmen,” ka thënë një burim pranë saj.
Lidhja e re vjen më shumë se një vit pas ndarjes së Simpson nga ish-bashkëshorti i saj, Eric Johnson, me të cilin ishte e martuar për 10 vite. Çifti kanë tre fëmijë së bashku dhe, pavarësisht ndarjes, vijojnë të ruajnë një marrëdhënie të mirë si prindër.
Sipas burimeve, ata janë të përkushtuar për të bashkë-prindëruar në mënyrën më të mirë të mundshme dhe për të mbajtur një ambient të qetë për fëmijët. Raportohet gjithashtu se Simpson dhe Johnson ende jetojnë në të njëjtën shtëpi, ndërsa përpiqen të gjejnë zgjidhjen më të mirë dhe të shesin pronën familjare.
Ndërkohë, artistja mbetet e fokusuar te fëmijët dhe karriera e saj muzikore, duke punuar për rikthimin në skenë.
