Aktorja dhe moderatorja e njohur Jenny McCarthy ka dalë në mbrojtje të ish-partnerit të saj, Jim Carrey, pas spekulimeve të shumta në rrjet për pamjen e tij të fundit.
Një muaj pasi aktori shkaktoi reagime të forta me paraqitjen e tij “të panjohshme” në ceremoninë César Awards, McCarthy hodhi poshtë teoritë konspirative që pretendonin se ai ishte “zëvendësuar” apo madje “klonuar”.
E pyetur gjatë iHeartRadio Music Awards 2026, ajo u shpreh e bindur: “Ishte padyshim Jim Carrey.”
Megjithatë, McCarthy theksoi se vëmendja nuk duhet të jetë tek pamja e tij, por tek gjendja emocionale: “Ai dukej shumë i lumtur në atë event. Kjo ishte gjëja e parë që vura re.”
Edhe bashkëshorti i saj, Donnie Wahlberg, reagoi duke kritikuar fokusin e publikut: “Jemi kaq të fiksuar pas pamjes, sa nuk vëmë re sa i lumtur dukej.”
Kujtojmë se McCarthy dhe Carrey kanë qenë në një lidhje nga viti 2005 deri në 2010.
Spekulimet nisën në fillim të marsit, kur aktori u shfaq ndryshe nga zakonisht në “César Awards”, duke nxitur komente të shumta në rrjetet sociale, ku disa përdorues hodhën teori ekstreme për “klonim” apo ndryshime drastike.
Megjithatë, përfaqësuesit e aktorit i kanë hedhur poshtë këto pretendime, duke konfirmuar se ishte vetë Jim Carrey që mori pjesë në event dhe u nderua me një çmim special. Edhe organizatorët e ceremonisë e cilësuan praninë e tij si një moment historik, duke theksuar se aktori kishte përgatitur për muaj të tërë edhe fjalimin e tij.
