Zendaya ka vendosur të mos japë përgjigje të qarta mbi thashethemet për martesën me partnerin e saj, Tom Holland.
Gjatë një interviste në podcastin Modern Love të The New York Times, aktorja pranoi se publiku ka një interes të madh për jetën e saj private, duke qenë se ajo dhe Holland janë rritur në sy të publikut dhe kanë luajtur bashkë në filma ku bien në dashuri.
“A e kuptoj interesin? Po. Por unë jam një person shumë privat,” u shpreh ajo.
Zendaya theksoi se nuk po përpiqet të fshehë lidhjen e saj, por thjesht dëshiron ta ruajë atë larg vëmendjes së tepërt mediatike. “Nuk po mundohemi të fshihemi nga bota, por të ruajmë disa gjëra vetëm për veten dhe të mbajmë lumturinë tonë,” shtoi ajo.
Spekulimet për martesë nisën në muajin shkurt, kur aktorja u pa me një unazë të thjeshtë në vend të unazës së fejesës. Situata u bë edhe më e paqartë pasi stilisti i saj, Law Roach, deklaroi se çifti ishte martuar në fshehtësi.
Megjithatë, vetë Zendaya ka zgjedhur të mos “sqarojë konfuzionin”, duke respektuar kufijtë e saj personalë. Kujtojmë se Zendaya dhe Tom Holland konfirmuan lidhjen e tyre në vitin 2021 dhe prej atëherë janë një nga çiftet më të komentuar në Hollywood.
