Gjykata e Beratit ka caktuar këtë të hënë masën e sigurisë “arrest në burg” për 39-vjeçarin, i cili dyshohet se ka kryer marrëdhënie seksuale me mbesën e tij të mitur, 15-vjeçe.
Prokurori i çështjes, Renato Tosku, kërkoi arrestimin dhe caktimin e kësaj mase duke paraqitur faktet dhe rrethanat e ngjarjes.
Mësohet se, gjatë seancës, 39-vjeçari ka mohuar akuzat, duke deklaruar se nuk ka pasur asnjë kontakt të papërshtatshëm me mbesën e tij. Sipas tij, denoncimi është i sajuar nga kunata, për shkak të një konflikti mes tyre.
