Kim Kardashian është vënë në qendër të kritikave nga ndjekësit në rrjetet sociale, pasi publikoi disa fotografi nga udhëtimi i saj në Japoni, ku shfaqet së bashku me motrën e saj, Khloé Kardashian.
Të premten, themeluesja e markës Skims ndau në Instagram një seri fotosh nga pushimet në Azi, ku shoqërohej nga tre fëmijët e saj më të vegjël dhe Khloé. Në një prej imazheve, motrat pozonin përpara disa makinave “claw” në një ambient që dukej si sallë lojërash.
[embed]https://www.instagram.com/p/DWafCzpFVNd/[/embed]
Megjithatë, menjëherë pas publikimit, fansat vunë re se pamja e Khloé dukej ndryshe nga zakonisht, duke ngritur dyshime për përdorim të tepruar të filtrave apo programeve të editimit.
“Pse Khloé duket sikur është ‘photoshop’-uar? Duket sikur është prerë dhe vendosur në foto,” shkroi një përdorues në Reddit.
Të tjerë komentues shtuan se motrat “nuk duken kështu në realitet”, ndërsa një tjetër theksoi se pamja e Khloé dukej “e çuditshme”. Nuk munguan as akuzat për përdorim të tepërt të aplikacioneve për përpunim imazhi.
Pavarësisht kritikave, motrat Kardashian kanë vijuar të ndajnë momente nga udhëtimi i tyre në Tokio, ku shfaqen duke kaluar kohë me fëmijët.
Së fundmi, Kim Kardashian është parë gjithashtu në shoqërinë e pilotit të Formula 1, Lewis Hamilton, me të cilin përflitet për një lidhje. Të dy janë fotografuar duke shëtitur së bashku në Tokio, duke shtuar edhe më shumë spekulimet për një romancë mes tyre.
