Një lojtar i ri me kredenciale të rëndësishme zgjedh Shqipërinë, pikërisht në momentin e zhgënjimit për eliminimin në playoff të Botërorit 2026 nga Polonia. Emri i tij është Luis Hasa, mesfushor ish-Juventus dhe aktualisht në pronësi të Napolit, i cili po zhvillon një sezon shumë të madh në Serie B me fanellën e Carrarese.
Mesfushori qendror 22 vjeçar ka lindur në Sora, në Lazio. Ka luajtur gjithmonë në Itali. Ka bërë të gjithë rrugëtimin e moshave me Kombëtaren italiane dhe në vitin 2019 fitoi Europianin Under 19 dhe u shpall Lojtari i Turneut. Por nga 26 marsi 2026 nuk do të jetë më i grumbullueshëm nga Kombëtarja A.
Pasi doli nga radarët e Kombëtares italiane, Luis Hasa ka vendosur të ndryshojë: mesfushori i lindur në 2004 ka zgjedhur Shqipërinë, vendi i origjinës së të dy prindërve të tij. Konfirmimi ka ardhur nga FIFA Change of Association Platform, një platformë e FIFA-s ku janë të listuara të gjitha ndryshimet e federatës të lojtarëve në mbarë botën.
Kështu, Italia nuk mund të mbështetet më te Luis Hasa. Në kuptimin që lojtari në pronësi të Napolit, aktualisht i huazuar te Carrarese në Serie B, ka vendosur të mos veshë më fanellën blu pasi ka koleksionuar 3 paraqitje me Under 21. Hasa ka lindur dhe është rritur në Itali, por nga prindër shqiptarë. Dhe në fund ka vendosur të zgjedhë pikërisht Shqipërinë, e cila tani mund ta thërrasë.
