Sekretarja e Jashtme e Mbretërisë së Bashkuar, Yvette Cooper, ka bërë thirrje për një zgjidhje të shpejtë të luftës në Lindjen e Mesme, duke akuzuar Iranin se po mban peng ekonominë globale. Gjithashtu e akuzon se po bllokon transportin detar përmes Ngushticës së Hormuzit.
“Jemi absolutisht të qartë se duhet të shohim një zgjidhje të shpejtë të këtij konflikti që do të rivendosë stabilitetin në rajon”, tha Cooper gjatë një takimi të ministrave të jashtëm të G7 në Francë.
Duke iu referuar refuzimit të Iranit për të lejuar anijet të kalojnë përmes Ngushticës strategjike të Hormuzit, ajo shtoi: “Sinqerisht, Irani nuk mund ta mbajë peng ekonominë globale për shkak të një ngushtice që prek korridoret ndërkombëtare të transportit detar dhe lirinë e lundrimit”.
