Një traktor elektrik që punon tërësisht me energji dielli mund të rrisë rendimentet e të korrave për fermerët në Afrikën Subsahariane dhe kështu, të përmirësojë aksesin në energji elektrike.
I zhvilluar nga Universiteti Loughborough, në Angli, “traktori mikro-elektrik” lëviz përpara vetë, ndërsa një fermer e drejton atë duke ecur nga pas. Ai ka një “presë të fortë” çeliku që shpon shtresën e tokës së ngjeshur.
Thyerja e kësaj shtrese dhe krijimi i brazdave të thella lejon që rrënjët dhe ujin e shiut të depërtojnë në tokë, gjë që ngadalëson erozionin e tokës dhe maksimizon thithjen e ujit, duke e bërë tokën më rezistente ndaj thatësirave.
Kjo është pjesë e një teknike bujqësore të quajtur “bujqësi në shtrat të thellë”, e zhvilluar dhe promovuar nga Tiyeni, një organizatë jofitimprurëse që adreson sigurinë ushqimore dhe varfërinë. Tiyeni pretendon se kjo teknikë mund të më shumë se dyfishojë rendimentet e të korrave dhe të rrisë të ardhurat e fermerëve deri në 9-fish.
Traktori është pjesë e një strategjie për të futur edhe panelet diellore në komunitetet rurale afrikane, duke filluar në Malavi, ku vetëm 15.6% e popullsisë kishte qasje në energji elektrike në vitin 2023. Në zonat rurale, ky numër ra në 6%.
Energjia diellore e shoqëruar me këtë traktor mund të rrisë të ardhurat e fermerëve dhe, në planin afatgjatë, t'u lejojë atyre të paguajnë për energjinë elektrike dhe mirëmbajtjen e paneleve diellore.
Traktorët do të kushtojnë secili rreth 3,500 dollarë dhe panelet diellore rreth 1,500 dollarë për modul. Plani është që ato t'ua shiten kooperativave bujqësore, fermave të pavarura dhe organizatave jofitimprurëse - ndonjëherë me zbritje, për të siguruar që teknologjia të jetë e arritshme për të gjithë.
Aftrak thotë se po shqyrton gjithashtu futjen e një “aplikacioni për qiradhënie të ngjashëm me Uber”, ku fermerët mund të marrin me qira një traktor me orë, të mundësuar nga një panel qendror diellor. ©LAPSI.al
