Josh Duhamel ka reflektuar për martesën e tij 8-vjeçare me këngëtaren Fergie, duke pranuar se fama e saj e madhe ndikoi në marrëdhënien e tyre.
Në një intervistë në The Megyn Kelly Show, ai u shpreh se lidhja me një yll kaq të madh ishte një sfidë për të.
“Ishte një ndryshim i madh, sepse ajo ishte një superyll në atë kohë. Për mua ishte një përshtatje e madhe,” tha ai.
Duhamel pranoi gjithashtu se ndonjëherë ndjehej në hijen e saj, duke e lidhur këtë me egon personale.
“Ndoshta ishte më shumë egoja ime. Nuk mendoj se e shqetësonte atë aq sa mua. Por shpesh ndihesha në hijen e saj,” shtoi aktori.
Çifti u njoh në vitin 2004, u fejuan në 2007 dhe u martuan në 2009. Ata kanë një djalë së bashku, ndërsa u ndanë në vitin 2017 dhe finalizuan divorcin në 2019.
Pavarësisht ndarjes, Duhamel theksoi se sot kanë një marrëdhënie shumë të mirë.
“Ajo është një nënë e shkëlqyer. Ne kemi një marrëdhënie shumë të mirë dhe ajo shkon shumë mirë edhe me bashkëshorten time aktuale,” u shpreh ai.
Aktori është i martuar aktualisht me Audra Mari, me të cilën ka një djalë dhe pret fëmijën e dytë.
“Unë dua vetëm paqe. Nuk dua konflikte mes askujt,” përfundoi Josh.
