Është konfirmuar edhe vdekja e të dyshuarës kryesore për ngjarjen e rëndë që tronditi komunën e Podujevës, ku dy persona humbën jetën nga të shtënat me armë zjarri.
Zëdhënësja e SHSKUK-së, Mirlinda Qyqalla deklaroi se, pavarësisht përpjekjeve maksimale të stafit mjekësor, pacientja 31 vjeçare ka ndërruar jetë në Q. Emergjente.
Më herët është konfirmuar edhe vdekja e 73-vjeçares M.G e cila ishte e plagosur. Ngjarja ka ndodhur të dielën rreth orës 18:40 në fshatin Majac ku në vendin e ngjarjes u gjet i vrarë I.B nga Obiliqi. Ndërkohë hetimet për rrethanat e ngjarjes vijojnë.
