Një ngjarje e rëndë është shënuar dje në hyrje të lagjes “Goricë” në Pogradec. Një vajzë 10-vjeçare është sulmuar nga qeni i fqinjit. 10-vjeçarja është kafshuar dhe tërhequr për disa metra, duke pësuar lëndime që kanë kërkuar ndërhyrje të menjëhershme mjekësore.
Banorët e lagjes Goricë thonë se qeni ka qenë prej kohësh problematik dhe burim shqetësimi për komunitetin, ndërsa pronari nuk ka marrë masa, pavarësisht ankesave të vazhdueshme. Rasti është referuar për procedim penal, ndërsa e mitura po merr trajtim në spitalin e Pogradecit.
