Demi Lovato ka reaguar për performancën e saj virale të këngës “Heart Attack” në një event të American Heart Association, duke sqaruar se zgjedhja e këngës nuk ishte ideja e saj.
Gjatë një interviste në emisionin Elvis Duran Show, këngëtarja tregoi se kishte shprehur më herët dyshime për përshtatshmërinë e këngës për atë event.
“Ua thashë paraprakisht: ‘A nuk është pak jashtë kontekstit?’”, rrëfeu ajo, duke shtuar se organizatorët këmbëngulën që publiku do të donte ta dëgjonte hitin e vitit 2013.
Lovato pranoi se në fund vendosi ta performonte këngën me hezitim, ndërsa reagimet në rrjetet sociale nuk munguan. Shumë përdorues e konsideruan zgjedhjen të papërshtatshme, veçanërisht duke pasur parasysh historinë e saj shëndetësore.
Artistja kishte pësuar tre goditje në tru dhe një atak në zemër gjatë një mbidoze në vitin 2018, çka e bëri performancën edhe më të diskutueshme.
Megjithatë, burime pranë saj kanë deklaruar se interpretimi i “Heart Attack” ishte një vendim i menduar nga organizatorët, duke e parë si një mënyrë për ta “rikthyer” këngën në një kontekst më personal dhe domethënës për artisten.
Para performancës, Demi Lovato mbajti edhe një fjalim emocional, duke theksuar lidhjen mes mendjes, zemrës dhe trupit, si dhe rëndësinë e forcës personale dhe rikuperimit.
