Një aksident rrugor është regjistruar pak minuta më parë në zonën e Qafë-Plloçë, ku janë përfshirë tre kamionë dhe një fugon transporti udhëtarësh.
Sipas informacioneve paraprake, nuk raportohet për persona të lënduar rëndë, por vetëm për dëme materiale. Megjithatë, një nga drejtuesit e mjeteve dhe disa persona të tjerë janë transportuar në Spitali i Pogradecit për kontrolle mjekësore.
Ngjarja ka shkaktuar vështirësi në qarkullimin e mjeteve në këtë segment rrugor, ndërsa raportohet se një prej kamionëve transportonte lëndë djegëse, duke rritur rrezikun në zonë.
Aktualisht, trafiku është devijuar përmes një bypass-i të improvizuar pranë një karburanti, ndërsa në vendngjarje ndodhen forcat e policisë, të cilat po punojnë për menaxhimin e situatës dhe zbardhjen e shkaqeve të aksidentit.
