Reperi Travis Scott duket se ka ironizuar të dashurin e ish-partneres së tij Kylie Jenner, aktorin Timothée Chalamet, pas ceremonisë së Oscars 2026.
Gjithçka nisi pasi Chalamet humbi çmimin për aktorin më të mirë, i cili shkoi për Michael B. Jordan për rolin në filmin Sinners. Në Instagram Story, Scott publikoi një foto të Jordan teksa mbante statujën e Oscar-it dhe dukej i emocionuar në skenë – një veprim që shumë fansa e interpretuan si një “thumb” ndaj Chalamet.
Në rrjetin social X (ish-Twitter), reagimet nuk munguan. Disa përdorues e cilësuan veprimin si tallje të hapur ndaj aktorit, ndërsa të tjerë argumentuan se reperi thjesht po mbështeste Jordan, me të cilin ka miqësi.
Chalamet ishte në garë për filmin Marty Supreme, ndërsa në këtë kategori konkurronin edhe Leonardo DiCaprio, Wagner Moura dhe Ethan Hawke.
Travis Scott dhe Kylie Jenner kanë qenë në një lidhje të ndërprerë nga viti 2017 deri në 2022 dhe kanë dy fëmijë së bashku. Ndërkohë, Jenner është në një lidhje publike me Timothée Chalamet që nga viti 2023.
Kjo nuk është hera e parë që Scott duket se “godet” aktorin. Në albumin e tij Utopia, ai kishte bërë referenca që fansat i lidhën me Chalamet dhe rolin e tij si Willy Wonka.
Deri tani, as Travis Scott, as Timothée Chalamet dhe as Kylie Jenner nuk kanë reaguar publikisht ndaj situatës.
