Dolly Parton ka dhënë një përditësim pozitiv për gjendjen e saj shëndetësore gjatë një paraqitjeje publike në hapjen e sezonit të 41-të të parkut tematik Dollywood.
Artistja 80-vjeçare tha se aktualisht nuk po bën turne, pasi ka pasur disa probleme të vogla shëndetësore, por siguroi fansat se po kujdeset për veten.
“Nuk kam qenë në turne, siç e dini. Kam pasur disa probleme të vogla shëndetësore dhe po kujdesemi mirë për to,” u shpreh ajo para të pranishmëve.
Parton shtoi se vdekja e bashkëshortit të saj, Carl Thomas Dean, vitin e kaluar ka qenë një periudhë e vështirë për të.
“U ndjeva e lodhur dhe e rraskapitur duke përjetuar dhimbjen për Carl dhe disa gjëra të tjera. Më duhej të rindërtoja veten shpirtërisht, emocionalisht dhe fizikisht,” tha ajo.
Megjithatë, këngëtarja theksoi se situata tani është përmirësuar.n“Gjithçka është mirë. Nuk më ka ndalur,” shtoi Parton.
Gjatë paraqitjes së saj në skenë, Parton bëri edhe shaka për jetën e saj personale. Ajo u shfaq së bashku me presidentin e kompanisë Dollywood, Eugene Naughton, duke bërë humor se fansat mund ta ngatërrojnë me “bashkëshortin e saj të ri”.
Megjithatë, artistja e bëri të qartë se nuk është në një lidhje të re.
“Nuk po dal me askënd,” tha ajo me humor, duke shtuar se beson se bashkëshorti i saj i ndjerë do ta priste në qiell.
Paraqitja e saj publike vjen vetëm dy muaj pasi Parton u detyrua të mungonte në festimin e 80-vjetorit të saj në Grand Ole Opry për shkak të problemeve shëndetësore. Vitit të kaluar ajo gjithashtu shtyu koncertet e saj në Las Vegas, pasi mjekët i rekomanduan disa procedura mjekësore dhe pushim.
