Administrata Tatimore dhe Doganore kanë nisur kontrolle në tregun e hidrokarbureve, duke filluar nga Elbasani, në kuadër të planit operacional për monitorimin e këtij sektori. Dy subjekte karburanti u kontrolluan pas dyshimeve për shmangie të detyrimeve tatimore dhe doganore. Inspektorët konstatuan shkelje si moslëshim faturash, punonjës të padeklaruar dhe mall pa dokumentacion. Për këto shkelje u vendosën penalitete dhe u sekuestrua dokumentacioni jotatimor, përfshirë 9 blloqe fletë-dalje dhe 9 blloqe mandat-arkëtimi.
Administratat njoftojnë se kontrollet do të vijojnë në gjithë vendin për të luftuar informalitetin, monitoruar çmimet dhe siguruar konkurrencë të ndershme.
