Të shtëna me armë zjarri u raportuan sot pasdite në hyrje të qytetit të Sarandës. Një person dyshohet se ka kanosur ish-bashkëjetuesen e tij dhe familjarët e saj. Sipas policisë, shtetasi K. C., 31 vjeç, banues në Borsh, ka qëlluar disa herë në ajër. Më pas ai ka kërcënuar ish-bashkëjetuesen duke i drejtuar armën në kokë.
Autori u largua me një automjet tip Audi Q7 drejt Borshit. Megjithatë përpjekja e tij për arratisje ishte e kotë pasi ai u kap brenda pak kohe nga policia. Grupi hetimor po vijon veprimet procedurale për dokumentimin e plotë të ngjarjes.
