Lapsi Video

Aplikacioni

Android iOS
Flash

Pedro Neto si Hazard, shtyn një kapës topash në PSG-Chelsea: gati shpërthen sherri

Lapsi.al 12 March 2026
Pedro Neto si Hazard, shtyn një kapës topash në PSG-Chelsea: gati
PSG ishte në avantazh 3-2 ndaj Chelsea në fundin e ndeshjes në Parc des Princes, e vlefshme për ndeshjen e parë të 1/8-ve të Champions. Luis Enrique në një moment vendos të fusë nga stoli edhe Khvicha Kvaratskhelia që në pak minuta shpik golin e katërt dhe të pestë duke e vënë pothuajse të sigurt kualifikimin në prag të ndeshjes së kthimit. Pikërisht goli i pestë erdhi pas një episodi mjaft të rëndë që pati si protagonist Pedro Neto. Sulmuesi i Chelsea, në përpjekje për të rikuperuar topin pranë vijës anësore, përplaset për topin me një mbledhës topash që ndoshta po vononte shumë. Lojtari i Blues mendonte se i riu i ulur në një karrige të vogël po humbte qëllimisht kohë për të mos i dhënë avantazh londinezëve. Ndoshta po priste vetëm që dikush të merrte topin nga duart e tij. Fakt është se Pedro Neto humbet kontrollin dhe e shtyn duke e rrëzuar në tokë në mënyrë të rrezikshme duke rrezikuar që të lëndohej pikërisht mbi atë stol të vogël pas tij. Aty pranë është Luis Enrique që sheh skenën, ndërsa Kvara ndërhyn menjëherë së bashku me lojtarë të tjerë të PSG.

Lexo më tej: Super Valverde, Real dërrmon City: PSG keqtrajton Chelsea e sheh çerekfinalet

Të gjithë shkojnë në mbrojtje të mbledhësit të topave që ndërkohë mbetet i shtrirë në tokë me disa persona që afrohen për të kuptuar çfarë kishte. Pasi u konstatua se për fat të mirë i riu nuk kishte pësuar asgjë fizikisht, në fushë dy skuadrat për pak sa nuk përplasen. Loja ndalet për disa minuta në rezultatin 4-2. Lojtarët e dy skuadrave nuk arrijnë deri në përleshje, por pati një debat të ashpër para se arbitri të arrinte të rifillonte lojën. Pikërisht në atë moment erdhi edhe goli i pestë i firmosur nga Kvara që mbylli ndeshjen. Nuk është hera e parë që regjistrohen tensione mes PSG dhe Chelsea. Edhe në Botërorin e Klubeve veror kishte ndodhur diçka e ngjashme. Në këtë rast Pedro Neto kërkoi më pas falje edhe ndaj mbledhësit të topave dhe në fund të ndeshjes, pas vërshëllimës së trefishtë, lojtarët në fushë lanë takim për ndeshjen e kthimit duke u përshëndetur qetësisht dhe ndoshta duke kërkuar falje edhe për ndonjë fjalë të tepërt të thënë në ato momente të tensionuara. Arbitri nuk e ndëshkoi Pedro Neton me asnjë karton.

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

12°c

KËMBIMI EURO

91.90

aktuale

Ndiqe Lapsin edhe në

Me interes nga publiku

Tek parku Rinia, një tjetër kullë që rivret qytetin

Lubonja: “Mund të konsiderohet si kulm në kuptimin e shkatërrimit urbanistik të qytetit, që përkon edhe me një kulm në kuptimin psikologjik të delirit të omnipotencës së Edi Ramës, me një kulm të babëzisë së oligarkëve që do të përfshihen aty dhe me një kulm të paturpësisë para qytetarëve të Tiranës të arkitektëve të Albanian Files,”

11:25 Blerina Gjoka

Me sytë katër

SPORT

Të tjerë artikuj

PAPARAZZI