Kryetari i Grupit Parlamentar të Partisë Demokratike Gazment Bardhi ka nxjerrë një detaj të ri nga dosja që SPAK dorëzoi në Këshillin për Imunitetin dhe Mandatet ku kërkoi autorizim për arrestimin ose heqjen e lirisë për ish-zëvendëskryeministren Belinda Balluku.
Bardhi është pjesë e Këshillit dhe tha se nuk duhet të nxjerrë pjesë të dosjes, por një po bënte një përjashtim duke treguar vetëm një SMS që ndodhej në dosjen voluminoze të SPAK.
“Mua nuk më lejohet të jap të dhëna nga dosja, por një mesazh po e zbuloj. Çfarë pune kishte ministrja e Infrastrukturës që në orën 19:49:20 të vitit 2019 t’i dërgonte një mesazh vartësit të saj Ervis Berberi ku i shkruante: “A e bëre pasqyrën sa shtëpi ke shit?”
Nuk dimë që zonja Balluku të kishte ndonjë agjenci të shitjes së shtëpive” – tha Bardhi në emisionin “Opionin”. Ai tha se ndaj ish-zëvendëskryeministres ka nisur edhe një hetim pasurie nga ana e SPAK.
Pjesë e dosjes së SPAK sipas Bardhit është edhe çështja e një HEC-i të një biznesmeni ku përmendet edhe kreu i Komisionit të Ligjeve, Ulsi Manja. Bardhi tha se në dosje përmendet edhe Taulant Balla. ©LAPSI.al
