Sekretari i Shtetit i SHBA-së, Marco Rubio, është vënë në qendër të komenteve ironike pas fotove që qarkulluan në rrjetet sociale, ku ai shihej se kishte veshur me këpucë më të mëdha.
Fotot u bënë vetëm një ditë pasi “Wall Street Journal” raportoi se Donald Trump “mendon” edhe për këpucët e bashkëpunëtorëve të tij. Ai thuhet se i pyet ata për numrin e këmbës dhe më pas u porosit atyre këpucë “Florsheim” me vlerë 145 dollarë, të cilat ata "kanë frikë të mos i veshin".
“Të gjithë i kanë”, tha një zyrtar i Shtëpisë së Bardhë në mënyrë anonime, ndërsa një tjetër i tha WSJ: “Është qesharake, sepse të gjithë kanë frikë të mos i veshin”.
Sipas gazetës, "presidenti ka filluar edhe të hamendësojë madhësitë e këpucëve të njerëzve që ka përpara. Ai i kërkon një ndihmësi të bëjë një porosi dhe një javë më vonë një kuti ngjyrë kafe me “Florsheim” mbërrin në Shtëpinë e Bardhë".
“Ata kanë filluar të veshin Florsheim-et e tyre kur takohen me Trump, disa me sa duket nga pakënaqësia”, raportoi gazeta amerikane, ndërsa një ministër u ankua se iu desh të linte mënjanë Louis Vuitton-in e tij.
Përveç Rubios, Trump ka porositur këpucë Florsheim për anëtarë të tjerë të administratës së tij, përfshirë zëvendëspresidentin J.D. Vance, Sekretarin e Luftës Pete Hegseth, Sekretarin e Tregtisë Howard Latnick, Senatorin Lindsey Graham, prezantuesin e Fox News Tucker Carlson. /LAPSI.al
