Deputetja e Partisë Demokratike, Jorida Tabaku, reagoi pas publikimit të raportit të fundit të Struktursë së Posaçme Kundër Korrupsionit dhe Krimit të Organizuar mbi korrupsionin në Shqipëri. Ajo theksoi se korrupsioni ka kapur ekonominë, administratën dhe tregjet kryesore, duke dëmtuar besimin e qytetarëve dhe perspektivën europiane të vendit.
Në një reagim në rrjetet sociale, Tabaku u shpreh se korrupsioni nuk është vetëm problem moral apo institucional, por një plagë që po dëmton drejtpërdrejt ekonominë dhe të ardhmen e qytetarëve. Sipas saj, ai është një nga arsyet kryesore pse shqiptarët largohen nga vendi dhe një nga pengesat kryesore për integrimin europian.
Deputetja ngriti shqetësimin edhe për prokurimet publike, duke thënë se ato janë të paracaktuara dhe shpesh jepen pa garë, me kosto të shumëfishuara. Sipas saj, kjo ka deformuar ekonominë e tregut, ka vrarë konkurrencën dhe ka dëmtuar bizneset e ndershme që nuk janë pjesë e tenderave publikë.
