Ellie Goulding ka mirëpritur në jetë fëmijën e saj të dytë. Artistja zbuloi përmes Instagram se ka sjellë në jetë një vajzë të shëndetshme më 6 mars.
“Ditën e premte solla në jetë një vajzë të bukur dhe të shëndetshme. Jemi totalisht të dashuruar me të,” shkroi këngëtarja e hitit Love Me Like You Do në një Instagram Story, duke ndarë edhe një pamje të vogëlushes së saj.
Ajo shtoi se ishte shumë domethënëse që Ditën Ndërkombëtare të Gruas, International Women's Day, e kaloi me vajzën e saj të porsalindur dhe ekipin e mjekeve në spitalin St Mary's Hospital, London, të cilat, sipas saj, i ofruan kujdes të jashtëzakonshëm.
Vajza është fëmija i parë i Goulding me partnerin e saj, Beau Minniear. Këngëtarja ndau gjithashtu një foto të një torte festimi ku shkruhej “Welcome baby sister”.
Artistja 39-vjeçare është gjithashtu nënë e një djali, Arthur, të cilin e ka nga martesa e mëparshme me ish-bashkëshortin Caspar Jopling. Dyshja u martuan në vitin 2019 dhe mirëpritën djalin e tyre gati dy vite më vonë, ndërsa ndarjen e tyre e bënë publike në vitin 2024, duke theksuar se do të vazhdojnë të bashkë-prindërojnë në mënyrë miqësore.
Ellie Goulding e bëri publike lidhjen me Minniear në vitin 2025 dhe më pas zbuloi shtatzëninë në dhjetor të po atij viti gjatë eventit The Fashion Awards 2025.
