Lapsi Video

Aplikacioni

Android iOS
Flash

Mercedes, tjetër nivel: Russell niset i pari në Australi, Ferrari akoma me probleme

Lapsi.al 7 March 2026
Mercedes, tjetër nivel: Russell niset i pari në Australi, Ferrari
Formula 1 – Mercedes duket në një nivel tjetër në kualifikueset e Çmimit të Madh të Australisë. Pole position shkon për George Russell me kohën 1 minutë, 18 sekonda dhe 518 të mijtat. Bëhet fjalë për pole position e tetë për pilotin nga King’s Lynn, i cili dukej se e kishte “prenotuar” nisjen nga vendi i parë që në momentet e para të provave zyrtare. Radha e parë për momentin është e gjithi Mercedes falë kohës së dytë të Andrea Kimi Antonelli, me një diferencë prej pothuajse tre të dhjetash (293 të mijtat). Piloti italian kishte pësuar një përplasje të fortë në fund të sesionit të tretë dhe të fundit të provave të lira, në kthesën e parë pas drejtëzës së bokseve, duke dëmtuar rëndë pjesën e pasme të Mercedesit të tij. Vetëm flamuri i kuq për aksidentin e Max Verstappen në fillim të kualifikueseve u dha mekanikëve kohën e nevojshme për të “fituar” garën me kohën dhe për ta kthyer Kimin në pistë.

Ferrari në ndjekje...

Nga radha e dytë do të nisen Isack Hadjar, i shkëputur me 785 të mijtat nga pole me Red Bull-in më të mirë pas eliminimit të Verstappen në Q1 (dalje nga pista), dhe Charles Leclerc me Ferrarin më të mirë. Radha e tretë është e gjithi McLaren me idhullin vendas Oscar Piastri përpara kampionit në fuqi Lando Norris. Pas tyre vijnë Lewis Hamilton me SF-26 tjetër të Maranellos dhe Liam Lawson me Racing Bulls, të ndjekur në rreshtin e pestë nga Racing Bulls tjetër e debutuesit Arvin Lindblad dhe nga Audi debutuese e Gabriel Bortoleto, i cili nuk mori realisht pjesë në Q3 sepse makina e tij u ndal në hyrje të pit lane në fund të Q2.

Lexo më tej: E bujshme, Verstappen “tradhton” Red Bull për Mercedes: F1 drejt një revolucioni

Radha e gjashtë për Nico Hulkenberg me Audi-n tjetër (i pari i eliminuar në Q2) dhe për Oliver Bearman me Haas-Ferrari, i ndjekur nga shoku i skuadrës francez Esteban Ocon që ndan rreshtin e shtatë me bashkëkombasin (dhe ish-shokun e skuadrës) Pierre Gasly me Alpine. Alexander Albon (Williams-Mercedes) dhe Franco Colapinto me Alpine tjetër ndajnë rreshtin e tetë. Nga radha e dhjetë do të nisë Max Verstappen, i cili – siç u përmend – doli nga pista në frenimin e kthesës së parë për shkak të bllokimit të rrotave të pasme. Katër herë kampioni i botës do të nisë nga rreshti i dhjetë dhe parafundit përkrah Valtteri Bottas. Pas tyre vetëm Carlos Sainz Jr. (Williams) dhe Lance Stroll (Aston Martin), të cilët nuk dolën fare në pistë. Rreshti i nëntë është i gjithi përvojë me Fernando Alonso (Aston Martin) dhe Sergio Pérez me Cadillac MAC-26 debutuese dhe deri tani zhgënjyese.

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

10°c

KËMBIMI EURO

91.90

aktuale

Ndiqe Lapsin edhe në

Me interes nga publiku

Tek parku Rinia, një tjetër kullë që rivret qytetin

Lubonja: “Mund të konsiderohet si kulm në kuptimin e shkatërrimit urbanistik të qytetit, që përkon edhe me një kulm në kuptimin psikologjik të delirit të omnipotencës së Edi Ramës, me një kulm të babëzisë së oligarkëve që do të përfshihen aty dhe me një kulm të paturpësisë para qytetarëve të Tiranës të arkitektëve të Albanian Files,”

11:25 Blerina Gjoka

Me sytë katër

SPORT

Të tjerë artikuj

PAPARAZZI