Ka dështuar seanca plenare në Kuvendin e Kosovës, ku do të votohej për Presidentin e Kosovës. Kjo për shkak se nuk ka pasur kuorum për raundin e parë të votimit të kreut të shtetit.
Në sallë ishin të pranishëm 66 deputetë kur sipas Kushtetutës duhet që të pranishëm të ishin 80 deputetë. Opozita e bojkotoi seancën. Kryeparlamentarja Albulena Haxhiu tha se deputetët ishin të detyruar të qëndronin në sallë.
Për këtë arsye, pas dështimit të seancës, Vetëvendosje e ka dërguar çështjen në Gjykatën Kushtetuese. Lajmin e dha kryetarja e Kuvendit, Albulena Haxhiu.
"Sapo i jemi drejtuar Gjykatës Kushtetuese lidhur me vlerësimin e kushtetutshmërisë së procedurës për zgjedhjen e Presidentit të Republikës së Kosovës.
Po ashtu, përmes kësaj kërkese, kemi kërkuar që Gjykata Kushtetuese të vendosë masë të përkohshme për pezullimin e afatit kushtetues që lidhet me procedurën e zgjedhjes së Presidentit, deri në publikimin e aktgjykimit.
Lidhur me këtë, e kam njoftuar edhe Presidenten, Vjosa Osmani-Sadriu" - thuhet në njoftimin e Haxhiut. /LAPSI.al
