Irani ka njoftuar shtyrjen e funeralit shtetëror të udhëheqësit suprem Ayatollah Ali Khamenei, e cila ishte planifikuar për sonte në Teheran, për shkak të pjesëmarrjes së pritshme të paprecedentë, pasi vendi përballet me sulme masive izraelito-amerikane.
Ceremonia e lamtumirës është shtyrë dhe data e re do të shpallet më vonë, raportoi televizioni iranian, pas vdekjes së Khamenei në sulmet amerikano-izraelite gjatë fundjavës.
Këshilli Koordinues në Teheran njoftoi se funerali i Khamenei ishte shtyrë për të lënë kohë për zgjerimin e infrastrukturës për shkak të kërkesës së madhe nga i gjithë vendi. Mediat shkruajnë se sipas Këshillit, Xhamia e Madhe e Teheranit do të priste ceremoninë, por për shkak të dëshirës së përhapur të njerëzve për të marrë pjesë në ceremoni dhe nevojës për të siguruar infrastrukturën e nevojshme, ngjarja u shty.
Theksohet se mëngjesin e sotëm u njoftua se sonte në Teheran do të mbahej një ceremoni lamtumire përballë trupit të Ali Khamenei, i cili u vra në moshën 86-vjeçare gjatë një goditjeje dhe pritet të varroset në qytetin e shenjtë të Mashhadit nga vinte.
