Në Nion të Zvicrës u hodh shorti i fazës së 1/8-ave të UEFA Champions League, duke përcaktuar të gjithë tabelën deri në finalen e madhe. Goglat prodhuan përballje spektakolare mes gjigantëve të futbollit evropian, me disa supersfida që pritet të dominojnë këtë fazë.
Dy ndeshjet që spikasin menjëherë janë përplasja mes Real Madrid dhe Manchester City, si dhe dueli mes Paris Saint-Germain dhe Chelsea.
Ndërkohë, shorti është treguar relativisht i favorshëm për disa klube të mëdha si Barcelona, Bayern Munich dhe Liverpool, që në letër kanë kundërshtarë më të përballueshëm, por që gjithsesi premtojnë spektakël.
Shorti përfundimtar i 1/8-ave:
-
Paris Saint-Germain – Chelsea
-
Real Madrid – Manchester City
-
Newcastle United – Barcelona
-
Bodo/Glimt – Sporting CP
-
Galatasaray – Liverpool
-
Atalanta – Bayern Munich
-
Atletico Madrid – Tottenham Hotspur
-
Bayer Leverkusen – Arsenal
Ndeshjet e para të kësaj faze do të luhen më 10-11 mars, ndërsa ato të kthimit më 17-18 mars. Tifozët mund të presin emocione të mëdha dhe duele të zjarrta, pasi rruga drejt finales nis me përballje të nivelit më të lartë evropian.
