Kryeministri Edi Rama ka vendosur të bëjë disa ndryshime në kabinetin qeveritar.
Pas kërkesave të SPAK, vendimit të Gjykatës Kushtetuese, presionit ndërkombëtar dhe atij politik në vend, Rama vendosi të largojë Ballukun nga postet qeveritare.
Vendin e saj si zv.kryeministre do e mbajë Albana Koçiu. Bie në sy edhe largimi nga qeveria i Elisa Spiropalit si Ministër i Jashtëm. Po ashtu edhe largimi i Pirro Vengut nga Ministria e Mbrojtjes.
Por ndërkohë në kabinet gradohen dy të betuar të tjerë të Belinda Ballukut, Enea Karakaci dhe Ermal Nufi.
Ky i fundit ka qenë shef kabineti i Ballukut ndërsa Karakaci një vartës i saj në krye të OSHEE.
Anonim dhe pa ndonjë profil publik të ngritur, është Erjona Ismaili, ministrja e Shtetit për Marrëdhëniet me Parlamentin.
Në qeveri vijojnë të mbeten "ushtarë" të tjerë të Belinda Ballukut si Mirela Kumbaro, Petrit Malaj e Sofjan Jaupaj. Besfort Lamallari është rikthyer në Ministrinë e Brendshme aty ku ka shërbyer prej 8 vitesh si zëvendësministër.
Të gjitha lëvizjet më poshtë:
Besfort Lamallari- Ministër i Brendshëm.
Toni Gogu- Ministrisë së Drejtësisë.
Ferit Hoxha- Ministër për Evropën dhe Punët e Jashtme.
Enea Karakaçi- Ministër i Infrastrukturës
Ermal Nufi- Ministër i Mbrojtjes
Erjona Ismaili- Ministër Shteti për Marrëdhëniet me Parlamentin.
Albana Koçiu- Zëvendëskryeministër
