Tre persona kanë humbur jetën nga në alpet e Austrisë nga ortekët. Mësohet se në rajonin Fiss, një pushues 71-vjeçar humbi jetën në një pistë skijimi, ndërsa në Luginën Navis, një skiator 44-vjeçar gjerman vdiq.
Në shtetin fqinj të Vorarlbergut, ku ishte lëshuar një paralajmërim për një “rrezik të lartë” të ortekëve (Kategoria 4), një skiator u varros në dëborë dhe u gjet i vdekur. Gjithashtu të hënën e kaluar, dy austriakë që po bënin snoëboard në akullnajën Stubai në Tirol u rrëmbyen nga një ortek, duke rezultuar në vdekjen e tyre.
Autoritetet në Itali dhe Zvicër kanë qenë në gatishmëri të lartë në orët e fundit, duke urdhëruar evakuimin e zonave në Alpe pas reshjeve ekstreme të dëborës dhe një rreziku në rritje të ortekëve të reja. Brenda pak orësh, kushtet e motit u përkeqësuan ndjeshëm, duke çuar në mbylljen e rrugëve dhe evakuimin e banorëve dhe turistëve, pasi ortekët dhe grumbujt e dëborës disa metra të lartë mbuluan komunitetet malore.
Gjithashtu në rajonin e Piemontes, autoritetet urdhëruan evakuimin e menjëhershëm të qytetit turistik të Roquemole, ndërsa u vendos ndalimi i hyrjes dhe mbyllja e të gjitha rrugëve. Sipas mediave të huaja, rreth 40 persona, banorë dhe vizitorë, u larguan nga zona, duke gjetur akomodim në qytetet ose hotelet fqinje.
Në Zvicër, rreth 50 persona në komunën e Orsier u detyruan të evakuonin shtëpitë e tyre për shkak të rrezikut në rritje. Sipas agjencisë rajonale mjedisore ARPA Piemonte, erërat e forta arritën shpejtësinë 189 kilometra në orë në stacionin meteorologjik Gran Vaudala, në një lartësi prej 3,272 metrash.
