Kryetari i Partisë Demokratike, Sali Berisha tha sot se Partia Socialiste me në krye Edi Ramën kanë vendosur në Shqipëri një diktaturë të dytë,atë të autokracisë që shtyp pluralizmin politik.
Në fjalën e tij në turin e ‘Foltores’ në Krujë, Berisha tha se Rama, me regjimin e tij me vjedhje, mashtrim dhe krim, e ka shndërruar këtë parti politike në fatkeqësinë më të madhe kombëtare.
“Po ta shohim në 35 vite, ne na ndodhi ajo që nuk i ka ndodhur asnjërit prej vendeve ish-komuniste. Në Shqipëri është vendosur një diktaturë e dytë, jo siç ishte e para që ndalonte me ligj e Kushtetutë partitë politike, por autoritare që pranon dhe e shtyp pluralizmin. PD solli në Shqipëri pluralizmin, si motorin më të sigurtë të zhvillimit të një kombi dhe shoqërie. Janë vërsulur kundër lirisë së qyetarëve të Shqipërisë. Sot ka një njeri nga i cili varen të gjitha pushtetet. Sot në 220 mijë rrogëtarë të këtij shteti, më shumë se 200 mijë i përkasin partisë shtet, që në të drejtën e Zotit, ka lindur si parti krimi, rrinë dhe vazhdon si parti krimi dhe fatkeqësia më e madhe kombëtare,. Kjo është PS. Partia me në krye Edi Ramën ka vendosur një regjim me tre shtylla kryesore: vjedhjen, mashtrimin dhe krimin. Kombi ynë nuk ka njohur një rrokullisje të tillë si në këto 10 vite”,-tha Berisha.
