Pas mijëra propozimesh dhe historish mirënjohjeje, ka nisur zyrtarisht faza e votimit publik për përzgjedhjen e mësuesve finalistë në tre kategori të arsimit parauniversitar në shkollat publike të Tiranës: arsimi fillor, arsimi 9-vjeçar dhe arsimi i mesëm (gjimnaz).
Gjatë javëve të fundit, nxënës, prindër, kolegë dhe qytetarë propozuan mësuesit që kanë lënë gjurmë në jetën e tyre. Në total, u mblodhën mijëra dëshmi përkushtimi, pasioni dhe ndikimi real – histori që tregojnë se arsimi publik ndërtohet çdo ditë nga njerëz konkretë, brenda klasave.
Nisma është ndërmarrë nga Fondacioni Martin & Mirash Ivanaj Institut, me synimin për të krijuar një kulturë të qëndrueshme vlerësimi për mësuesit e arsimit publik. Procesi kombinon përfshirjen e komunitetit përmes votimit qytetar me vlerësimin profesional të një jurie të pavarur, duke garantuar balancë, meritokraci dhe transparencë.
Pas verifikimit të kritereve dhe shqyrtimit të çdo propozimi, janë përzgjedhur mësuesit finalistë që tashmë kalojnë në fazën vendimtare: votimin publik.
Votimi është i hapur nga 16 deri më 20 shkurt, ora 17:00.
Çdo qytetar mund të votojë një herë, duke përzgjedhur nga një mësues në secilën kategori (3 vota në total).
Procesi është i siguruar teknikisht për të garantuar një votë për person dhe transparencë të plotë.
Votoni këtu: 👉 https://ivanaj-foundations.org/sq/mesuesivitit/
Sepse pas çdo brezi të suksesshëm, qëndron një mësues që ka bërë diferencën.
/Artikull promocional
