Quhet Canopée dhe është konsideruar si anija më inovative në botë. Ajo është një anije mallrash, 121 metra e gjatë dhe 22 metra e gjerë. Është e ndërtuar për të transportuar ngarkesa delikate dhe ka një teknologji të lartë. Punon e ndihmuar nga era, e projektuar për ArianeGroup për të transportuar pjesë të raketës Ariane 6 nga Evropa në Guianën Franceze. Është lançuar në vitin 2022.
Ajo përmban 4 vela të mëdha prej 363 m², duke bërë që të ulë konsumin e karburantit me 15-30%. Direkët janë 36 metra. Ajo është projektuar posaçërisht për ArianeGroup për të transportuar, mbrojtur dhe transportuar pjesë delikate të raketës Ariane 6 përtej Atlantikut. Ajo bën 11 udhëtime në vit. Është projektuar nga kompania franceze “VPLP Design” ndërsa është ndërtuar nga kompania “Partner Stocznia” në Poloni dhe “Neptune Marine” në Holandë.
Aktualisht është duke transportuar 32 satelitë që do të hidhen së shpejti në orbitë. Ajo është një ndërthurje e inxhinierisë dhe traditës më të lashtë detare. Ajo është e vlerësuar për formën e saj dhe aerodinamikën me të cilën përballet me valët e Atlantikut.
Velat e saj gjigande, sigurisht që nuk komandohen me krahë, por anë të kompjuterëve. Softueri i bën të gjitha. Një algoritëm analizon erën dhe rregullon këndin e krahëve për të maksimizuar shtytjen.
Velat janë të palosshme për të kaluar nën ura ose për të zvogëluar ngarkesën e erës gjatë një uragani. Çdo ditë, secila prej katër velave kursen midis 1.2 dhe 2.2 ton karburant. Anija është si një guaskë mbrojtëse. Sensorët monitorojnë kudo gjithçka që ndodh.
Edhe pse është një anije mallrash, është larg të qenit spartane, e ndyrë, e ngushtë dhe johigjienike. Ekuipazhi përbëhet vetëm nga 11 persona që menaxhojnë një gjigant 5,000 tonësh. Mundësia është që shtohen edhe 10 të tjerë për nevoja të veçanta (mysafirë, personel shtesë sigurie e kështu me radhë). Automatizimi është kudo, por është cilësia e brendshme që është e mahnitshme. Nuk ka shtretër me kate apo banja të përbashkëta.
Çdo anëtar i ekuipazhit ka një kabinë të vetme me një banjë private: standarde që do t'i bënin shumë anije turistike ziliqare. Në kuzhinë, nuk ka ushqim detar, por pjata ndërkombëtare, të thjeshta por të larmishme dhe të përgatitura me kujdes.
I vetmi rregull që disave mund të mos u pëlqejë: Nuk lejohet alkooli. Kurrë. Përgjegjësia e transportimit të një rakete që kushton disa miliona euro nuk lejon shpërqendrime. Ekziston një ndjenjë e prekshme krenarie profesionale. Ata në bord ndihen pjesë integrale e programit hapësinor evropian. /Përgatiti LAPSI.al
