Ministria e Shëndetësisë dhe Instituti i Shëndetit Publik kanë dalë me një sqarim për qytetarët, duke mohuar raportimet e disa mediave mbi një pretenduar shpërthim të fruthit në një kopsht të Tiranës.
Instituti thekson se nuk ka asnjë rast të konfirmuar infektimi në asnjë institucion parashkollor në kryeqytet. Autoritetet bëjnë thirrje që informacionet të merret vetëm nga burime zyrtare, për të shmangur krijimin e panikut të panevojshëm.
Në të njëjtën kohë, Ministria dhe Instituti i Shëndetit Publik rikujtojnë prindërit për rëndësinë e respektimit të kalendarit kombëtar të vaksinimit dhe sigurojnë se vaksinimi mbetet masa më e sigurt dhe efektive për mbrojtjen e shëndetit të fëmijëve dhe të komunitetit.
