Sekretari i përgjithshëm i Kryeministrisë, Engjëll Agaçi është larguar nga detyra. Lajmi konfirmohet nga burime të Lapsi.al pranë qeverisë, e cila është mbledhur sot në një takim informal ku dhe janë komunikuar vendimet. Është ende e paqartë nëse është shkarkuar apo është dorëhequr nga detyra.
Kujtojmë që Agaci ka pasur telashe me drejtësinë edhe është thirrur në SPAK për disa cështje, mes atyre afera e inceneratorëve dhe AKSHI-t.
Ndërkohë i njëjti burim i tregoi Lapsi.al se pasuesja e tij në këtë post të rëndësishëm është Elsonida Rama, e cila aktualisht mban pozicionin e drejtoreshës së Kodifikimit në Ministrinë e Drejtësisë, si dhe është përfshirë në grupin e punës për hartimin e Kodit të ri Penal.
Më herët Rama ka punuar gjithashtu në Kryeministri te drejtoria Juridike. Prezantimi i saj para ministrave është bërë në mbledhjen e sotme. ©LAPSI.al
