Nëntë persona kanë humbur jetën dhe rreth 25 të tjerë janë plagosur në një sulm me armë në shkollën e mesme të Tumbler Ridge dhe në një banesë pranë saj, në provincën British Columbia të Kanadasë.
Policia mori njoftimin për një person të armatosur në orën 13:20 dhe mbërriti në vendngjarje brenda dy minutash. Shkollat u izoluan dhe banorëve iu kërkua të qëndronin brenda.
Gjashtë viktima u gjetën brenda shkollës, ndërsa dy të tjera në një shtëpi të lidhur me ngjarjen. Një person ndërroi jetë gjatë transportit për në spital, ndërsa dy të plagosur rëndë u dërguan me helikopter. Emrat e viktimave nuk janë bërë publikë.
I dyshuari u gjet i vdekur brenda shkollës me plagë të vetëshkaktuar. Autoritetet po hetojnë motivin dhe lidhjen e mundshme me shkollën.
Tumbler Ridge është një komunitet i vogël me rreth 2,400 banorë, dhe ngjarja ka tronditur mbarë Kanadanë. /Lapsi.al
